Wani Dan shekara 40 ya kashe kansa a jihar Jigawa

Mutuwa

Daga Muhammad Nasiru Bashir

Dutse, Sept. 20, 2024 (NAN) Wani mutum dan shekara 40 mai suna Jibrin Adamu ya kashe kansa ta hanyar rataya a kauyen Jigawar Maroka da ke karamar hukumar Kiyawa a jihar Jigawar Najeriya.

Jami’in hulda da jama’a na rundunar ‘yan sanda (PPRO) a jihar, DSP Lawan Shi’isu, ya tabbatar da faruwar lamarin a wata sanarwa da ya fitar a Dutse ranar Juma’a.

Shi’isu ya ce marigayin wanda ya yi fama da tabin hankali, ya aikata hakan ne a yammacin ranar Alhamis.

“A ranar 19 ga Satumba, 2024, da safe, wani mummunan lamari ya faru a hedkwatar rundunar ‘yan sandan cewa, wani Jibrin Adamu mai shekaru 40 a kauyen Jigawar Maroka, karamar hukumar Kiyawa ya kashe kansa ta hanyar rataya a cikin ajin makarantar Miftahul Khairat Islamiyya and Primary School Gurdiba. .

“Bayan samun rahoton, jami’in ‘yan sanda na Kiyawa da tawagarsa sun tafi wurin da lamarin ya faru nan take.

“Da isowa tawagar ta gano gawar mutumin da ke rataye a saman rufin ajujuwa a makarantar Islamiyya da ke yankin,” in ji shi.

Ya ce an mika gawar zuwa babban asibitin Dutse, inda wani likita ya tabbatar da rasuwarsa, ya kuma kara da cewa an mika gawar marigayin ga iyalansa domin yin jana’iza.

Ya ce binciken farko da aka yi ya nuna cewa marigayin yana da matsalar tabin hankali wanda ya sa ya bace kwanaki kafin ya koma gida.

“Kafin mutuwarsa, ya bar gida ne domin dibar ruwa kusa da inda lamarin ya faru,” ya kara da cewa kwamishinan ‘yan sandan jihar, Ahmadu Abdullahi, ya bayar da umarnin gudanar da bincike kan lamarin. (NAN) (www.nannews.ng)

MNB/RSA

========

Rabiu Sani-Ali ya gyara