Shugaban VON ya nemi goyon bayan sarakunan gargajiya ga Tinubu

Support
Daga Victor Adeoti
Osogbo, Satumba 21, 2024 (NAN) Malam Jibrin Ndace, Darakta Janar na Muryar Najeriya (VON), ya bukaci goyon bayan sarakunan gargajiya ga gwamnatin shugaba Bola Tinubu.

Ndace ya yi wannan roko ne a lokacin da ya ziyarci fadar Ataoja na Osogbo, Oba Jimoh Olanipekun, a Osogbo ranar Asabar.

Shugaban na VON, yayin da yake bayyana kudirin shugaban kasar na sanya kasar nan hanyar cigaba,  ya ce goyon bayan sarakunan gargajiya a gare shi ya zama wajibi a wannan lokaci.

Ndace ya kuma yi kira ga sarakunan gargajiya da kada su gajiya wajen addu’o’in da suke yi wa Shugaban kasa, inda ya kara da cewa “Najeriya na kan hanyar cigaba.”

Ya kuma yi nuni da cewa, duk tsare-tsare da gwamnatin Tinubu ta fito da su ba wai don kawo wa ‘yan kasa wahala ba ne, sai don tabbatar da ci gaban tattalin arziki ga ‘yan Nijeriya.

“Taimakon ku ga shugaban kasa a wannan lokaci a kasarmu yana da muhimmanci.

“Tare da goyon bayanku da addu’o’in ku, shugaban kasa zai yi nasara kuma Najeriya za ta qara cigaba” in ji shi.

Ndace ya kuma bukaci kafafen yada labarai da su rika rubutawa tare da yada labarai masu kyau game da Najeriya.

“Najeriya da Afirka na kan hanyar cigaba, amma akwai labarai masu kyau da ke fitowa daga Najeriya da Afirka a kullum.

“Dole ne mu fahimci, musamman mu a kungiyoyin yada labarai na gargajiya, na gwamnati da masu zaman kansu, cewa muna cikin zamanin da ake yada labaran karya, labarai na karya da kuma wani lokacin karairayi game da kasarmu, game da mutanenmu, al’adunmu da nahiyarmu.

“Saboda haka, a matsayinmu na ‘yan jarida, muna da alhakin samar da labarai masu gaskiya, gaskiya da kuma kan lokaci game da kasarmu.

“A matsayina na DG na VON, muna aiki tare da tawaga, muna so mu jagoranci sake fasalin kyawawan labarai game da Najeriya.

“Na kuduri aniyar Tara gawaga don yin ganganmi da niyya wajen yada labarai masu kyau game da Najeriya da Afirka,” in ji shi.

A nasa martanin, Oba Olanipekun ya yabawa shugaban VON bisa wannan ziyarar, inda ya kara da cewa sarakunan gargajiya a kasar nan za su ci gaba da ba shugaban kasa goyon baya da kuma yi wa shugaban kasa addu’a.

Tun da farko, Ndace ya tattauna da ma’aikatan VON na shiyyar Kudu maso Yamma inda ya ziyarci hanyar Osun-Osogbo. (NAN)www.nanews.ng

VE/IKU
Tayo Ikujuni ya gyara