Gwamnatin tarayya za ta kafa cibiyoyin kiwo a shiyoyi guda 6 na kasa

Gwamnatin tarayya za ta kafa cibiyoyin kiwo a a shiyoyi guda 6 na kasa

Kiwo
Daga Collins Yakubu-Hammer
Kaduna, Yuli 30, 2025 (NAN) A ranar Laraba ne gwamnatin tarayya ta bayyana kudirin kafa cibiyar kiwon dabbobi a
kowace shiyya ta siyasa guda shida domin bunkasa noma mai dorewa.

Karamin ministan noma da samar da abinci, Dr Aliyu Abdullahi, ne ya bayyana hakan a Kaduna a wani taro na
kwanaki biyu na tattaunawa da gwamnati da jama’a, wanda gidauniyar Sir Ahmadu Bello Memorial Foundation ta shirya.

Kamfanin Dillancin Labarai na Najeriya (NAN) ta ruwaito cewa taron na da taken “Tantace Alkawuran Zabe: Haɓaka Haɗin Gwiwar Gwamnati da Jama’a Don Hadin kan Ƙasa.”

Da yake jawabi kan harkokin noma da samar da abinci, Abdullahi ya ce gwamnatin Bola Tinubu na da niyyar saka hannun jari a fannin kiwo a Najeriya.

Ya sake jaddada kudirin gwamnatin tarayya na samar da hadin kai a tsakanin muhimman sassa domin cimma manyan
manufofin buri na Renewed Hope Agenda.

Abdullahi ya ce ma’aikatar sa na hada kai da ma’aikatar ilimi don sake fasalin manhajar karatu ga matasa manoma domin su rungumi zamanantar da su tare da bunkasa fannin.

A cewarsa, shirin na da nufin wadata al’umma masu zuwa da dabarun noma na zamani, da ilimin fasaha, da sabbin hanyoyin noman don karfafa samar da abinci a kasa.

Ministan ya ce hadin gwiwa tsakanin ma’aikatun noma, muhalli, albarkatun ruwa, raya kiwo, da tattalin arzikin ruwa da na ruwa na da matukar muhimmanci wajen isar da ajandar Renewed Hope Agenda. (NAN)(www.nannews.ng)
CMY/NNO/ROT
============
Nick Nicholas/Rotimi Ijikanmi ne suka gyara