Fashewar Bam: ‘Yan sanda sun tura kayan Aiki asibitin koyarwa UMTH, Kasuwa

Fashewar Bam: ‘Yan sanda sun tura kayan Aiki asibitin koyarwa UMTH, Kasuwa

Bom

Daga Hamza Suleiman

Maiduguri, Maris 17, 2026 (NAN) An tura jami’an tsaro zuwa Asibitin Koyarwa na Jami’ar Maiduguri (UMTH) da kuma Kasuwar Litinin bayan rahotannin fashewar bom da ake zargin ta faru a jihar 

Kakakin rundunar ‘yan sandan jihar Borno, ASP Kaneth Daso, ya tabbatar da faruwar lamarin, inda ya ce lamarin ya faru ne da misalin karfe 7:20 na yamma a ranar Litinin.

Daso ya ce an tura jami’an tsaro na hadin gwiwa da masu ba da agajin gaggawa cikin gaggawa zuwa wurin da lamarin ya faru domin tantance halin da ake ciki da kuma tabbatar da tsaron lafiyar jama’a.

Ta ƙara da cewa sashin ‘yan sanda na zubar da bama-bamai (EOD) daga Base 13, Maiduguri, ya riga ya fara gudanar da bincike da tantancewa da suka wajaba.

Kakakin ya bukaci mazauna yankin da su kwantar da hankalinsu su kuma guji yankin yayin da hukumomin tsaro ke ci gaba da gudanar da ayyukansu.

Ta kuma shawarci jama’a da su bayar da rahoton duk wani abu da ake zargi ta hanyar lambobin gaggawa: 0806 807 5581 da 0802 347 3293.

Ana sa ran ƙarin bayani game da lamarin yayin da ake ci gaba da tantancewa. (NAN)

HMS/AOM

============

Edita daga Abdullahi Mohammed