Doya ba abinci ne kawai ga jama’a ba, alama ce ta karfi, tsira da godiya, inji Sarkin Gargajiya
Doya ba abinci ne kawai ga jama’a ba, alama ce ta karfi, tsira da godiya, inji Sarkin Gargajiya
Doya
Doya
Daga Christian Njoku
Calabar, Agusta 11, 2025 (NAN) Ejom Ejom, Sarkin Gargajiya na yankin Ediba a karamar hukumar Abi ta Kuros Riba, ya ce doya ba abinci ne kawai ga jama’a ba, alama ce ta karfi, ruhin al’umma, tsira da kuma godiya.
Doya
Daga Christian Njoku
Calabar, Agusta 11, 2025 (NAN) Ejom Ejom, Sarkin Gargajiya na yankin Ediba a karamar hukumar Abi ta Kuros Riba, ya ce doya ba abinci ne kawai ga jama’a ba, alama ce ta karfi, ruhin al’umma, tsira da kuma godiya.
Ya bayyana haka ne a ranar Litinin a Abi yayin bikin Sabuwar doya na 2025 na mutanen Ediba mai taken “Zaman Lafiya Don Ci Gaba
Mai Dorewa.”
Mai Dorewa.”
Da yake yabawa manoman yankin da kungiyoyin al’adu da masu shirya biki bisa gudummawar da suka bayar wajen bikin, ya kuma kara jaddada cewa “makomar al’ummar Ediba tana cikin tushen al’adu da kuma sadaukar da kai ga aikin noma.
“Bari Sabuwar Yam Festival ya zama abin tunasarwa cewa ƙarfinmu yana fitowa daga ƙasa da hannayen da ke aiki.”
Hakazalika, Mista Ettah Osu, shugaban kungiyar Ediba Union na duniya, ya bayyana bikin a matsayin “tashin hadin kai da tunatar da al’adunmu.”
Ya bukaci matasa da su zama masu taka rawar gani wajen ci gaban al’umma, dorewa da zaman lafiya, ya kara da cewa a hadin kai ne kawai za su iya bunkasa.
A nasa bangaren, Shugaban taron, Mista Freedom Ejom, wanda ya yi jawabi a kan taken bikin, ya bayyana muhimmiyar rawar da noma ke takawa wajen bunkasa tattalin arziki da karfafa matasa.
Ya kuma bukaci matasan da su shiga cikin ayyukan noma na jihar ta hanyar ba da himma wajen noma kayan amfanin gona kamar koko da dabino da kuma kofi kamar yadda aka dawo da su a karkashin gwamnatin Gwamna Bassey Otu.Shugaban ya kuma ja hankalin matasa da su rungumi sana’o’in hannu kamar aikin famfo da lantarki domin raba hanyoyin samun kudin shiga.
Ya ce “tare da basirar da ta dace da goyon bayan gwamnati, matasanmu za su iya amfani da damar da ake da su na kasa mai albarka da kuma inganta tattalin arzikinsu.
“Yayin da na yaba da juriyar da manoman mu suka yi, ina so in jaddada cewa zaman lafiya mai dorewa shi ne ginshikin duk wani ci gaba mai ma’ana kuma ina alfahari da cewa mun samu zaman lafiya na tsawon shekaru biyar.”Dokta Rita Akpan, shugabar kwamitin shirya taron, wadda ta jaddada tasirin bikin Sabuwar Doya ga tattalin arzikin cikin gida, ta ce fistocin sun zama sila a harkokin tattalin arziki.
Ta kara da cewa, bikin ya jawo maziyarta daga sassa daban-daban na kasar nan, da habaka kasuwanci da samar da dandali ga manoma da masu sana’ar hannu.
Kamfanin dillancin labarai na Najeriya (NAN) ta ruwaito cewa taron ya kuma ga nunin baje koli, kade-kaden al’adu, raye-raye da kuma sana’o’in mutanen Ediba da makwabta.(NAN) (www.nannews.ng)
CBN/ESI/HA
==========
Ehigimetor Igbaugba da Hadiza Mohammed-Aliyu ne suka gyara
CBN/ESI/HA
==========
Ehigimetor Igbaugba da Hadiza Mohammed-Aliyu ne suka gyara