Tinubu na kokari, ya amshi mulki cikin kalubalen tattalin arziki – – Tafawa-Balewa

Tinubu na kokari, ya amshi mulki cikin kalubalen tattalin arziki – – Tafawa-Balewa

Tinubu

Daga Adeyemi Adeleye
Lagos, Sept.1, 2024 (NAN) Dr Abdul-Jhalil Tafawa Balewa, tsohon dan takarar shugaban kasa a jam’iyyar PDP, ya bukaci ‘yan Najeriya da su yi hakuri da shugaban kasa Bola Tinubu, yana mai cewa ya amshi mulki cikin mawuyacin tattalin arziki, amma yana kokari matuka don daidaita abubuwa.

Tafawa-Balewa ya bayyana hakan ne a wata hira da ya yi da Kamfanin Dillancin Labaran Najeriya ranar Lahadi a Legas.

A cewarsa, idan al’umma na cikin matsala ga kasa mai kalubale to hanyar farfadowa yana da matukar wahala.

Sai dai ya ce akwai bukatar shugaban kasar ya kara kaimi wajen sake dawo da kasar nan da kuma magance dimbin kalubalen da take fuskanta.

Tafawa-Balewa ya bukaci Tinubu da ya rage kudin gudanar da mulki domin yantar da albarkatun kasa don ci gaba da matakan gyara al’amura.

Dan siyasar ya kuma bukaci Tinubu da ya karfafa majalisarsa da kwararrun masana da za su taimaka wajen aiwatar da manufofinsa na ci gaban Najeriya.

“Shi (Shugaban kasa) na bukatar ya iya tafiya tare da zamani da sanya mutanen da suka fice ko kuma suka koyi sabbin fasahohi don su iya tafiyar da ma’aikatu daban-daban.

“Ina ganin muna da ma’aikatu da yawa, kusan 48, wadanda ya kamata a rage su saboda ana amfani da makudan kudade wajen tafiyar da wadannan ma’aikatun.

“Muna bukatar mu iya rage yawan ministocin,” in ji shi.

Tafawa-Balewa ya bukaci shugaban kasar da ya kara himma wajen samar da tsaro domin kawo karshen garkuwa da mutane, tada kayar baya da sauran barazanoni da ke faruwa a kasa.

“Dole ne mu inganta harkar tsaro ta yadda manomanmu za su je gonaki. Za mu sami issashen damar samar da abinci.

“Idan ba tare da tsaro ba, ba za mu iya inganta samar da abinci a yanzu ba. Muna kuma da fasaha don adanawa da rarraba abinci.

“Mun yi rubuce-rubuce sau da yawa game da amfani da kayan aikin fasahar radiation gamma don samun damar inganta adana abinci da rarrabawa amma babu wanda ke son saurare.

“Muna da daya daga cikin mafi girma na gamma radiation a duniya kuma shakka mafi girma a Afirka.

“Ba mu amfani da shi,” in ji Tafawa-Balewa, wani Mashawarci Masanin Kimiyyar Nukiliya, wanda ya ƙware wajen adana abinci. (NAN) (www.nannews.ng)
AYO/BHB

Buhari Bolaji ne ya gyara