Ali yayi alkawarin inganta kayan aikin NAN, inganta jin dadin ma’aikata

Ali yayi alkawarin inganta kayan aikin NAN, jin dadin ma’aikata

Ma’aikata

Daga Ahmed Abba

Damaturu, Oct 30, 2024 (NAN) Malam Ali M. Ali, Manajan Daraktan Kamfanin Dillancin Labaran Najeriya NAN, ya yi alkawarin inganta kayayyakin hukumar domin inganta ayyukanta.

Ali ya bayyana haka ne a yayin wani rangadin da ya kai a cibiyoyin hukumar a Damaturu, jihar Yobe.

Ya yi alkawarin yin garambawul ga ofisoshinsu a fadin kasar, da samar da muhimman kayayyakin aiki, da kuma inganta kwarewar ma’aikata ta hanyar horaswa da inganta ayyukan jin dadin jama’a.

Manajan daraktan ya jaddada mahimmancin aiki tukuru da aiki tare da gargadin cewa hukumar ba za ta lamunci lalaci ba.

Har ila yau, Mista Ephraims Sheyin, babban editan hukumar, ya dora wa manema labarai da su mayar da hankali kan bangaren rayuwar dan Adam da labaran ci gaba.

Yayin da yayi kira kan taka tsantsan game da dogaro da bayanan jami’an watsa labarai, Sheyin ya bukace su da su mayar da hankali kan harkokin kasuwanci, musamman a yankunan karkara. (NAN) (www.nannews.ng)

AIA/RSA

=======

Rabiu Sani-Ali ya gyara