Tinubu ya yi ta’aziyar rasuwar Sarkin Ningi

Tinubu ya yi ta’aziyar rasuwar Sarkin Ningi

Makoki

Daga Salif Atojoko

Abuja, Agusta. 25, 2024 (NAN) Shugaban kasa Bola Tinubu ya jajantawa al’ummar Masarautar Ningi da gwamnatin jihar Bauchi sakamakon rasuwar Alhaji Yunusa Danyaya, Sarkin Ningi.

A cewar wata sanarwa da mai magana da yawun shugaban kasar, Ajuri Ngelale ya fitar, ya ce basaraken mai daraja ta daya ya rasu da sanyin safiyar Lahadi.

“Shugaba Tinubu ya bayyana marigayin a matsayin hazikin shugaba wanda ya yi amfani da mulki da dukiyar sarautar sa domin amfanin al’ummarsa.

“Shugaban ya yi addu’ar Allah ya jikan marigayin, ya kuma mika ta’aziyyarsa ga iyalansa da duk wadanda suka yi jimamin rashin,” in ji Ngelale.  (NAN) (www.nannews.ng)

SA/AMM

============

Abiemwense Moru ne ta gyara